Current Favorite Artists / Bands: hip hop , pop ,metal
Favorite Song: Teriyaki Boyz - Tokyo Drift Favorite Album: Favorite Music Video: Music Video Codes | Myspace Layouts
اولا ايه العنوان الغريب الى انا كتبه ده ايه الى جاب الحب لاشارة المرور طبعا هما ليهم علاقة واضحة جد وتشابه رهيب مش كده وبس ده كمان فى تشابه بين وهم الحب والمطبات الصناعية والتشابه ده ظهر بعد كتيييييييييير من المباحثات والنظريات الليلية عشان بالنهار مببقاش فاضى طبعا ...طيب من غير رغى كتير ملوش لزمة ندخل فى الموضوع
اولا: الحب زى ما بنسمع عنه فى الاسطير والافلام والسينما والكتب وعلى النت ( تضحية ..ثقة...تفاهم..الخ الخ)
وهم الحب هو انك تعجب بوحدة بس بعد فترة تزهق وعنيك تزوغ وبعد ماكانت هى اجمل بنت تبقى شبه دىروجبا لاعب ساحل العاج( مع الاعتذار لدى روجبا ..طبعا)يبداء الواحد بعد ماكان بيخطط ويتكتك عشان يوصل للعلاقة دى يتهرب من الطرف التانى باى حجة ملهاش اساس ومكشوفة لحد الموضوع ماهيفشل ( ده على اساس انه كان هينجح اصلا )
ومن هنا نشوف ان الحب الحقيقى بيعلم الالتزام زى اشارة المرور مينفعش تعدى عليها من غير ماتبصلها كويس وتشوف هتقف ولا هتمشى ( اشارة مرور مش فى مصر عشان محدش بيبص للى فى مصر اصلا ) اشارة مرور يعنى التزام بالقواعد مفيش هزار لان فى خطر عليك او على جيبك على حسب عسكرى المرور ومزاجه وانت وحظك لومكنش فى مكروباز يخدك فى سكته وانت الغلطان000
اما بقى المطب الصناعى ممكن متشوفوش لانه سعات بيبقى معمول بطريقة متبينوش (مستخبى يعنى ) وبيظهر مرة وحدة بس لو مش واخد بالك وعارف بتعمل ايه لما تشوفه هيدمرلك عربيتك ( لو عندك عربية اساسا ) او يعدى بس بيسيب اثر فى العربية و قلق جواك وده (عشان تتعلم متسرحشى تانى)
الحب التزام زى اشارة المرور صعب انك تكسرها عشان الاضرار الى هتحصل ليك او لغيرك بسببك
ووهم الحب زى المطب بيظهر وانت مش عامل حسابك عليه ولو دخلت فيه بسرعة هيسبلك ذكرى تفضل تندم عليها طول العمر
وبعد شرح النظرية الولفية المتأنية دى ارجو انكم تحفظو على اشارات المرور والالتزام بيها لان مخالفتها بقت غالية اوى اليومين دول
وخلى بالكم من المطبات عشان برضو التصليح غالى ومفيش حاجة بترجع زى الاول لازم بتسيب اثر ولو حتى مش باين بس بياثر ..
ارجو يكون موضوعى اتفهم وميكنش رغى وحشو على الفاضى وتقولو ده واحد بيتكلم اى كلام وخلاص..
Add as a Friend
Send Message
Leave Comment
Add to Favorites
Report Abuse
